पाकिस्तानमा नेपाली टेनिस खेलाडीलाई सफलता

काठमाडौँ : पाकिस्तानमा सम्पन्न आइटीएफ इस्लामावाद जुनियर्स यु–१८ टेनिस प्रतियोगितामा नेपालका आरभ सम्राट हाडा र अकी जुवेन रावतको जोडीले बोइज डबल्स तर्फको उपाधी जितेका छन् ।  त्यस्तै अभिलाषा विष्टले गल्र्स डबल्स तर्फको उपाधी जितेकी हुन् ।   

बुधबार सम्पन्न बोइज डबल्सको फाइनलमा हाडा र रावतको जोडीले पाकिस्तानका अहमद कामिल र मुहम्मद शोएबको जोडीलाई ३–६, ६–२ र १०–८ को सेटमा पराजित गरे ।  

गल्स डबल्सको फाइनलमा बिष्ट र रुसकी एरिना भालिटोभाको जोडीले मागारिटा ओखेनडोभाकाया (युक्रेन) र जोहा असिम (पाकिस्तान) को जोडीलाई पराजित ६–३ र ६–५ को सेटमा पराजित गरे । 

त्यस्तै गल्र्स सिङगल्स तर्फ बिष्टले रजत पद प्राप्त गरिन् । उनी उपाधी भिडन्तमा रुसकी भालिटोभासँग ६–१ र ६–२ ले पछि परिन् । डिसेम्बर ३० बाट सुरु भएको प्रतियोगितामा आयोजक पाकिस्तान बोहक रुस, स्पेन, अमेरिका, बेलायत, अस्ट्रेलिया, जापान र युक्रेनका खेलाडीहरुले भाग लिएका थिए ।