नेपाली सेनाको कायम मुकायम प्रधान सेनापति शर्मा

काठमाडौँ - नेपाली सेनाका बलाधिकृत रथी प्रभुराम शर्मालाई कायममुकायम प्रधान सेनापति तोकिएको छ । शर्मालाई राष्ट्रपति विद्यादेवी भण्डारीले साउन २६ गतेदेखि लागू हुने गरी शर्मालाई कायम मुकायम प्रधानसेनापति तोकेकी हुन् । 

सेनाका प्रधान सेनापति महारथी पूर्णचन्द्र थापाको तीन वर्षे कार्यकाल भदौ २४ गते सकिँदैछ ।  आफ्नो तीन वर्षे कार्यकालको पदावधि सकिनु एक महिनाअगावै साउन २५ गतेदेखि थापा घरबिदामा बस्ने भएपछि जेष्ठता क्रममा रहेका शर्मालाई सैनिक ऐन २०६३ को दफा ८(३) अनुसार मन्त्रिपरिषद्को सिफारिस अनुसार कायम मुकायम प्रधानसेनापति तोकिएको हो ।