मैलुङको आइपिओ भर्ने आज अन्तिम दिन

काठमाडौँ - मैलुङ खोला जलविद्युत्‌ कम्पनीको साधारण सेयरको बिक्री सोमबार (आज) बन्द हुने भएको छ । गत साउन १४ गतेबाट खुलेको आइपिओका लागि आवेदन दिने आज अन्तिम दिन रहेको कम्पनीले जानकारी दिएको छ । 

६ लाख ८४ हजार सात सय ४६ कित्ता साधारण सेयर निष्काशन गरेको थियो ।

यो जलविद्युत्‌को प्रति सेयर एक सय रुपैयाँका दरले साधारण सेयरको बिक्री खुलेको थियो । सात लाख ३६ हजार दुई सय ८६ कित्तामध्ये पाँच प्रतिशत अर्थात ३६ हजार आठ सय १४ कित्ता सामूहिक लगानी कोषका लागि बाँडफाँट गरिएको छ ।

जारी पुँजीको दुई प्रतिशत (१४ हजार सात सय २६ कित्ता) कर्मचारीका लागि छुट्याइएको छ । १० लाख कित्तादेखि एक लाख कित्तासम्म सेयरका लागि आवेदन दिन सकिने कम्पनीले जानकारी दिएको छ ।

आर्थिक वर्ष २०७७/७८ मा कम्पनीको प्रति सेयर आम्दानी २८.५४ रुपैयाँ पुग्ने प्रक्षेपण छ । यसको लगानी फिर्ता हुने अवधि ६ वर्ष दुई महिनाको छ । डिष्काउन्टेड लगानी फिर्ता हुने अवधि १० वर्ष ६ महिना छ ।