महाकालीमा तुइन खोलिएको घटना : संसदीय छानबिन समिति गठन गर्न माग

काठमाडौँ - नेकपा एमालेका सांसद गणेशसिंह ठगुन्नाले दार्चुलामा भारतीय एसएसबीका जवानले तुइन खोलिदिँदा तुइनबाटै महाकाली तरिरहेका दार्चुलाका जयसिंह धामी बेपत्ता भएको घटनाको छानबिन गर्न संसदीय समिति गठन गर्न माग गरेका छन् । ठगुन्नाले आजको प्रतिनिधि सभाको बैठकमा यस विषयमा सरकारको ध्यानाकषर्ण गरेका हुन् ।  

उनले यस घटनाका विषयमा चारबुँदामा ध्यानाकर्षण गराए । ‘दार्चुला खलंगा सडकलाई राष्ट्रिय गौरवको आयोजनाको सडक घोषणा गरियोस्,’ उनले भने, ‘त्यस्तै यो घटनाको छानबिनको लागि संसदीय समिति गठन गरियोस् ।  दोषी एसएसबीका जवानलाई कारबाही गरियोस् । मृतिकका परिवारलाई क्षतिपूर्ति उपलब्ध गराइयोस् ।’  

उनसले गृहसहसचिवको संयोजकत्वमा छानबिन समिति बनाएको भन्दै आपत्ति जनाए । ‘सीमामा नेपाली नागरिकको हत्या हुँदा पनि भारतीय राजदूतलाई बोलाएर भारत सरकारलाई प्रश्न सोध्नुको साटो कर्मचारीको संयोजकत्वमा समिति बनाएर सरकारले लापरबाही गरेको छ’ उनले भने ।