दार्चुला घटनामा सांसदको प्रश्‍नले घेरिए गृहमन्त्री खाण

गृह मन्त्री बालकृष्ण खाणले दार्चुला घटनाबारे संसद्लाई दिएको जवाफ चित्तबुझ्दो नभएको भन्दै सांसदहरूले प्रश्न गरेका छन् । गत शुक्रबार तुइनबाट महाकाली तरिरहँदा भारतीय एसएसबीले तुइन फुकालिदिँदा जयसिंह धामी बेपत्ता छन् । यस विषयमा छानबिन समिति बनाएर अनुसन्धान अघि बढाएको बताएका छन् । उनले धामीको खाेजीकार्य नेपाल र भारत दुवैतर्फबाट भएको बताए । उनै खाणलाई सा‌‌सदहरूले यस्तो छ प्रश्न  गरे –

खगराज अधिकारी 

मालघाटबाट दार्चुला जाने क्रममा जयसिंह धामीले अपराध पूर्ण क्रियाकलापबाट मृत्युवरण गर्नु परेको छ । सरकार बडो घुमाउरो तरिकाले । निमुखो तरिकाले । जवाफ दिइरहेको छ । अपराधीलाई कारबाही हुनुपर्दछ । गृहमन्त्री के भन्नुहुन्छ । पुल के उहाँले आजै बनाउने हो ? कि हिजो बन्दै थियो ?

योगेश भट्टराई 

दार्चुला घटनामा स्वयं गृहकार्य भइरहेको खोजी भइरहेको रिपोर्ट छ । तर, मन्त्रीज्यूले डेथ भनिरहनु भएको छ । रिपोर्ट नआउँदै के उहाँको मृत्‍यु भइसकेको हो ? किन यस्तो भनिँदैछ ?

गगन थापा

दार्चुला घटनामा भारतले कुनै संलग्नता नरहेको भनेर मिडियामा आएको छ । के यस्तै हो ? सत्यतथ्य पत्ता लगाएर छानबिन समितिले लिएर आउँछ भन्ने विश्वास कसरी दिलाउनुहुन्छ ? सत्यतथ्य बाहिर आइसकेपछि नेपाल भारतसँग जमेर डटेर लढ्छ भन्ने कुरा विश्वास हामीलाई कसरी दिलाउनुहुन्छ ।

शेरबहादुर तामाङ

छर्लगैं देखेको घटनामा पनि विवरण सुन्दा सत्य तथ्य आउँदैन भन्ने थाहा भइसक्यो । कुन चस्मा लगाएर सुनाउनु भएको हो । संसदीय समिति चाहिन्छ

शान्ता चौधरी

गृहमन्त्रीको प्रस्तुती हल्का देखियो । प्रत्यक्षदर्शीहरुले एसएसबीले तुइन काटेको भनेर भनिरहेका छन् । गृहमन्त्रीले भन्नुहुन्छ जानकारी लिइरहेका छौं । यो प्रमाण खोजिरहेने बेला हो र ? प्रत्यक्षदशी प्रमाण होइनन् ? भारतीय अत्याचारकाविरुद्ध यो सरकार मौन रहने हो भने हामी सहेर बस्दैनौं । एसएसबीको विषयमा मौन रहेर बस्नु भयो ।

विमला विक

दार्चुला घटनाको विषयमा गृहमन्त्रीले हल्का टिप्पणी गर्नु भयो । के समितिले सबै कुरा ल्याउन हिम्मत गर्छ ? शंका छ । भारतसँग केही कुरा भयो किन भएन ? 

गणेशसिंह ठगुन्ना

 गृहमन्त्रीज्यूले नै भन्नु भयो तुइन तरिसकेका र बाँकी व्यक्तिसँग बयान लिइयो । बयान लिइसकेको घटनामा पनि सरकारले किन आलटाल गरिरहेको छ ? भारतसँग के-कुरा गरेको छ सदनलाई जानकारी होस् ।

महेश बस्नेत

गृहमन्त्रीको टिप्पणी साह्रै हल्का भयो । भारतसँग कसरी वार्ता गर्दै हुनुहुन्छ ? बाढी पीडितको निम्ति भइरहेको छ ?

देवेन्द्रराज कँडेल

धामीको सन्दर्भमा पीडत नेपाल पीडक भारत । नेपाली पक्षमा खोज तलास गरिहेका छन् ।भारतीय पक्षले पनि खोजीरहेको छ । के पीडकले हामी दोषी हो भनेर सही जस्टीस देला ? सीमामा विवाद हुँदा दुई पक्षको संयुक्त टोली बनाएर खोजविन र छानबिन गरिन्छ । यसमा किन भएन ?

दिलेन्द्र बडू

दार्चुला घटनाको सन्दर्भमा छानबिन समिति घटनास्थलमा गएको जानकारी दिनुभयो । तर, छानबिनका क्रममा भारतीय पक्षसँग के  कुरा भएको छ ? तुइन तरिसकेको र तरिसकेकासँग सम्पर्क भयो कि भएन । सम्पर्क कहाँ पुगेको छ ?  

पुष्पा भुसाल

ओलीले तुइन हटाएर पल बनाउँछु भन्नु भएको थियो । तर बोल्नु भयो काम कम गर्नुभयो । यो त्यस्को परिणाम हो । यो । छानबिन समितिले निष्पक्ष छानबिन गरेर न्याय दिने आधार के छ ? डिला संग्रौला पन्त महाकालीमा नदी तर्दै गर्दा नदीमा बेपत्ता भए । छानबिन समिति बनेको भन्नु भएको छ । सत्य तथ्य के हो ?

पदम गिरी

दार्चुलाः एसएसबीको ज्यादतीको निन्दा गर्न चाहन्छु । सबैले भनिरहेका छन् उनीहरुले तुइन काटिदिए । तर, सरकार भन्छ अध्ययन गर्दैछौं प्रहरी कार्यालयमा बयान दिन बोलाइरहेको छ । प्रत्यक्षदर्शीले तुइन काटिएको भनेका छन् । यस्तो विषयमा छानबिन समित बनाएर किन ढाकछोप गर्न खोजिँदैछ ?

विशाल भट्टराई

सानो टोली गठन गरेर छानबिन गरे समाधान हुँदैन । उच्चस्तरकै पहल आवश्यक छ । संसदीय समितिको माग गरिरहेका छौं । यसमा यहाँको धारणा के छ ?