बेल्जियममा छोरीको आमा बनिन् गरिमा

काठमाडौं :  अभिनेत्री गरिमा पन्त आमा बनेकी छिन् । उनले छोरीको तस्बिर राख्दै आफू आमा बनेको जानकारी गराएकी हुन् । उनले केही समयअघि मात्रै बेबी बम्प देखाउँदै आफू आमा बन्न लागेको जानकारी गराएकी थिइन् ।

उनले फेसबुक पोस्टमा छोरीको नामसमेत उल्लेख गरेकी छिन् । उनले छोरीको नाम ‘प्रिसा’ जुराएको पनि उल्लेख गरेकी छिन् । नेपाली फिल्ममा अभिनय गर्दागर्दै बेल्जियम हान्निएकी गरिमाले हरि शर्मा थपलियासँग विवाह गरेकी थिइन् । 

शिव रेग्मीको क्याम्पबाट फिल्म क्षेत्रमा जमेकी गरिमाले यादव भट्टराई निर्देशित ‘झोला’मा गरेको अभिनयबाट चातर्फी तारिफ पाएकी थिइन् । योभन्दा अघि उनले ‘निखिल दाइ’ भन्ने फिल्मबाट फिल्मको अभिनयमा डेब्यु गरेकी थिइन् । थुप्र्र टेलिचलचित्रमा पनि अभिनय गरेकी गरिमाले ‘तीन घुम्ती’, ‘फूल’ आदि फिल्ममा अभिनय गरेकी छिन् ।