नेपाल टेलिकमको कर्पोरेट युजर ग्रुप सेवामा दश जनालाई आबद्ध गराउन  सकिने

काठमाडौँ-  नेपाल टेलिकमको कर्पोरेट युजर ग्रुप(सीयूजी) सेवामा कुनै संस्था/कार्यालयमा कार्यरत न्यूनतम दश जना मोबाइल प्रयोगकर्तालाई  समूहमा आबद्ध गराउन सकिने भएको छ ।

कर्पोरेट ग्रुपमा आबद्ध सदस्यहरूको आवश्यकतालाई दृष्टिगत गरी  २००,  ५००,  एक हजार र १५ सय रुपैयाँ दरका विभिन्न सीयूजी प्याकेजहरू उपलब्ध रहेको टेलिकमले जनाएको छ ।

पोस्टपेड मोबाइलका ग्राहकले  हजारको प्याकेजअन्तर्गत सीयूजी ग्रुपभन्दा बाहिर कम्पनीकै नेटवर्कमा बिहान ७ देखी बेलुकी ७ बजेसम्म अनलिमिटेड कल  गर्न सक्नेछन् । मासिक हजार मिनेट कल र अन्य नेटवर्कमा सय मिनेट कल गर्न सक्ने टेलिकमको भनाइ छ ।

यसैगरी १५ सयको प्याकेजमा सीयूजी ग्रुपभन्दा बाहिर कम्पनीकै नेटवर्कमा बिहान ७  देखि बेलुकी ७ बजेसम्म अनलिमिटेड कल  तथा मासिक १५ सय मिनेट कल गर्न सकिने टेलीकमको भनाइ छ । यस प्याकेजमा अन्य नेटवर्कमा २०० मिनेट कलका अतिरिक्त २० जीबी डाटा चलाउन र ४०० वटा एसएमएस पठाउन सकिन्छ ।

जुन पनि संस्था-कार्यालयले ग्रुपमा सहभागी गराउनु पर्ने मोबाइल नम्बर र प्राप्त गर्न चाहेको प्याकेज पत्रमा उल्लेख गरेर कम्पनीको ग्राहक सेवा केन्द्रमा सम्पर्क गर्नुपर्ने टेलिकमले जनाएको छ ।