मिस नेपाल २०२० को उपाधि नम्रता श्रेष्ठलाई

काठमाडौं : मिस नेपाल-२०२० को उपाधि नम्रता श्रेष्ठले जितेकी छिन् । काठमाडौं घर भएकी श्रेष्ठ १८ नम्बरकी प्रतिस्पर्धी थिइन् । २३ वर्षे श्रेष्ठ समाजशास्त्रकी विद्यार्थी पनि हुन् । 

मिस नेपाल-२०२० मा 'मिस नेपाल अर्थ -२०२०' को उपाधि सुप्रिया श्रेष्ठले जित्‍न सफल भएकी छिन् भने मिस नेपाल इन्टरनेशनल को उपाधि सन्ध्या शर्माले जितिन ।

मिस नेपाल-२०२० मा 'मिस सुप्रानेशनल-२०२०' को उपाधि सिमल कनौजियाले हात पारिन । अन्तिम चरणमा पुग्‍न सफल प्रतियोगिहरु - नम्रता श्रेष्ठ, सिमल कनौजिया,आयशा श्रेष्ठ,मेरिषा सिंह सुवाल,सुप्रिया श्रेष्ठ तथा सन्ध्या शर्मा हुन् ।

मिस नेपाल २०२० अन्तर्गत मिस टुरिजमको उपाधि रिया श्रेष्ठले जितेकी छिन् । मिस फिटनेसको उपाधि शुभांगी खत्रीले जितेकी छिन् । मिस नेपाल २०२० अन्तर्गत मिस इन्टेलेक्चुअलको उपाधि नम्रताले नै जितिन ।