आन्तरिक मूल्यांकनको आधारमा एसईईको नतिजा सार्वजनिक

काठमाडौँ : माध्यामिक शिक्षा परीक्षा एसईईको नतिजा सार्वजनिक भएको छ । शनिबार बसेको राष्ट्रिय परीक्षा बोर्डको बैठकले आन्तरिक मूल्यांकनका आधारमा तयार पारिएको एसईईको नतिजा सार्वजनिक गर्ने निर्णय गरेको हो । 

यस वर्ष पनि विद्यालयले गरेको आन्तरिक मूल्यांकनको आधारमा बोर्डले नतिजा सार्वजनिक गरेको हो । गएको वर्ष पनि कोभिड १९ का कारण आन्तरिक मूल्यांकनबाटै परीक्षाको नतिजा सार्वजनिक भएको थियो । 

नतिजा बोर्डको वेबसाइट, एसएमएस र आइभीआरमार्फत प्राप्त गर्न सकिने उनले बताए । बोर्डले नियमित तथा ग्रेडवृद्धि परीक्षाको नतिजा नेपाल टेलिकमको १६००, एनसेलको, १६००, अन्य विभिन्न कम्पनीको ३४९४९, ३१००३, ३५००१ मा एसएमएस गरेर हेर्न सकिने व्यवस्था गरेको छ । 
    
नतिजा प्रकाशन भएपछि विद्यार्थीलाई पुनर्योग गराउने, उत्तरपुस्तिका हेर्ने, पुनःपरीक्षण गराउने र पूरक ग्रेडवृद्धि परीक्षा सञ्चालनसम्बन्धी  भने नहुने भएको छ । बोर्डले व्यक्तिगत विवरणमा त्रुटि भएकाको हकमा भने ३५ दिनभित्र जिल्लास्थित शिक्षा तथा समन्वय इकाइमा निवेदन दिनुपर्ने व्यवस्था गरेको छ । 

५ लाख १७ हजार विद्यार्थीले एसईई दिएका थिए ।