संस्थापन समूहका सभापतिको निष्कर्ष : पौडेल समूहले देउवालाई मात्रै दोषी ठाने

फाइल तस्बिर

काठमाडौँ - पार्टीको १४ औँ महाधिवेशन भदौमा गर्न नसकिने निष्कर्ष नेपाली कांग्रेसका सभापति शेरबहादुर देउवानिकटका जिल्ला सभापतिहरुले निकालेका छन् । आज (बिहीबार) ललितपुरस्थित समीट होटलमा बसेको भेलाले यस्तो निष्कर्ष निकालेको ओखलढुंगाका कांग्रेस सभापति प्रदीपकुमार सुनुवारल जानकारी दिए । 

उनले भेलालले विभिन्न ६ बुँदे सुझाव तयार पारेको उनको भनाइ छ । सुनुवारका अनुसार कोभिड १९ को संक्रमणको अवधिलाई शून्य अवधि मानेर महाधिवेशनको नयाँ मिति तोक्नुपर्ने विषयमा पनि छलफल भएको छ ।

करिब २५ जिल्लाका जिल्ला सभापति भेला भएको दाबी गरिएको छलफलले महाधिवेशन सम्पन्न नहुनुमा वरिष्ठ नेता रामचन्द्र पौडेल समूहले अनावश्यक दोष थुपारेर पन्छिएको निष्कर्ष पनि निकालेको छ ।  उनले भेलाको निष्कर्ष ड्राफ्ट हुँदैछ । उक्त सुझावसहितको पत्र आज नै सभापति शेरबहादुर देउवालाई बुझाइने सुनुवारले बताए । 

यसअघि मंगलबार र बुधबार दुई दिन कांग्रेसको संस्थापन इतर समूहका जिल्ला सभापतिहरुको पनि भेला भएको थियो । काठमाडौँको ठमेलस्थित होटल यात्रीमा भएको छलफलले भदौ १६ मा महाधिवेशन हुन नसके विशेष महाधिवेशन गर्नुपर्ने निष्कर्ष निकालेको थियो । उक्त भेलामा ४७ जिल्लाका जिल्ला सभापति भेला भएको दाबी गरिएको छ ।