ओली सरकारले हनुमान देख्यो, यो सरकारले कुलमान मात्रै देख्यो

काठमाडौँ - प्रतिनिधि सभाका सदस्य गजेन्द्रबहादुर महतले यसअघिको सरकारले ‘हनुमान’ र अहिलेको सरकारले कुलमानमात्रै देखेको भनेर टिप्पणी गरेका छन् । प्रतिनिधि सभाको आजको बैठकमा बोल्दै उनले यस्तो टिप्पणी गरेका हुन् । 

‘सांसद भएपछि मैले देखेको दुई सरकार । पुरानो सरकारले हनुमान मात्रै देख्यो नयाँ सरकारले कुलमानमात्रै देख्यो । एउटाले हनुमानबाहेक नदेख्ने, अर्काेले कुलमान नदेख्ने,’ उनले भने, ‘यसको मतलब मैले कुलमानलाई हनुमानसँग दाँज्न खोज्या होइन । कुलमानबाहेक अरु छैन ? हनुमानले त हाम्रो कर्णाली प्रदेश स्वास्थ्य विज्ञान प्रतिष्ठान धुजाधुजा पारिहाले । कुलमान बुढो भएपछि के गर्छ यो सरकार ? विद्युत प्राधिकरणमात्रै छ, नेपाल एयरलाइन्स छैन ?’