इंग्ल्यान्डका कप्तान रुटको शतक

काठमाडौँ - भारतविरुद्धको दोस्रो टेस्ट क्रिकेटमा इंग्ल्यान्डका कप्तान जोय रुटले शतक बनाएका छन् । लर्ड्समा तेस्रो दिनको खेल चलिरहदा रुटले शतक प्रहार गरेका हुन् ।

एउटा इन्ड बलियो गरी सम्हालेका रुटले यो समाचार तयार पार्दासम्म १३ चौकासहित नटआउट १५४ रन बनाएर खेलिरहेका छन् । उनको यो लगातार दोस्रो शतक हो । पहिलो टेस्टमा पनि रुटले शतक बनाएका थिए । यस्तै जोनी बेयरस्टोले ५७ र रोरी बर्न्सले ४९ रन बनाए । 

रुटकै शतक मद्धतमा यो समाचार बनाउँदासम्म इंग्ल्यान्डले ७ विकेट गुमाएर ३५१ रन बनाएको छ । भारतका मोहम्मद सिरज र इशान्त शर्माले समान तीन-तीन विकेट लिएका छन् ।

यसअघि पहिलो पालीमा भारतले ३६४ रन बनाएको थियो ।