८० लाख ४८ हजारले खोप पाए, देउवा आएपछि एक महिनामा सवा ४३ लाखलाई खोप

काठमाडौँ– आइतबारसम्म ८० लाख ४८ हजार जनाले खोप पाएका छन् । पूववर्ती सरकारको समयमा ३७ लाख १४ हजार खोप वितरण भएको थियो । गत वर्ष माघदेखि खोप अभियान शुरु भएकोमा झण्डै ६ महिनासम्म ३७ लाख १४ हजार खोप वितरण भएकोमा पछिल्लो एक महिनामा खोप अभियानले तीव्रता पाएको छ ।

नेपाल खोप अभियान शुरु गर्नेमा दक्षिण एसियामै दोस्रो मुलुक हो । प्रधानमन्त्री शेरबहादुर देउवाको नेतृत्वमा सरकार गठन भएपछि ४३ लाख ३३ हजार जनाले खोप लगाएका छन् । नेपालमा अष्ट्राजेनेका तथा कोभिशील्ड, भेरोसेल र जोनसोन एण्ड जोनसोनका खोप उपलब्ध छन् । जोनसोनको खोप अहिलेसम्म १२ लाख ७९ हजारले लगाएका छन् । भेरोसेल खोप २८ लाख १६ हजार पहिलो डोज लगाएका छन् भने भेरोसेल दुवै डोज लगाउनेको संख्या १२ लाख ७५ हजार पुगेको छ । अष्ट्राजेनिका र कोभिशिल्ड १८ लाख ६८ हजार र दुवै डोज लगाउनेको संख्या ८ लाख ८ हजार रहेको छ ।