नेपालसहित १४ सांसदलाई पदमुक्त गर्ने ओली समूहको निर्णय

काठमाडौं - एमालेको अध्यक्ष केपी शर्मा ओली समूहले पार्टी वरिष्ठ नेता माधवकुमार नेपालसहित १४ सांसदलाई पदमुक्त गर्ने निर्णय गरेको छ । पार्टी स‌सदीय दलको बैठकले पदमुक्त गर्ने निर्णय गरेको एमालेको पार्टी कार्यालयका सचिव शेरबहादुर तामाङले जानकारी दिए । 'संसदीय दलले पार्टीका १४ सांसदलाई पदमुक्त गर्ने निर्णय गरेको छ ।'

कार्यालय सचिव तामाङले निर्णयको जानकारी संघीय संसद् सचिवालय र निर्वाचन आयोगमा दिइसकिएको बताए । 

स्रोतका अनुसार पदमुक्त भएका नेताहरूमा नेपालसहित विरोध खतिवडा, रामकुमारी झाक्री, मुकुन्द न्यौपाने, जीवनराम श्रेष्ठ, कल्याणी खड्का, पुष्पाकुमारी कर्ण, लक्ष्मीकुमारी चौधरी, निरादेवी जैरु, सरला यादव, कलिला खातुन, मेटमणि चौधरी, कृष्णलाल महर्जन र भवानी खापुङ छन् ।