जसपा बैठकमा दुई प्रतिवेदन पेस

काठमाडौँ - सत्तारुढ दल जनता समाजवादी पार्टी (जसपा)को आजबाट सुरु भएको केन्द्रीय समिति बैठकमा दुई प्रतिवेदन पेस भएका छन् । कालिकास्तानमा रहेको पार्टी प्यालेसमा सुरु बैठकमा नेता राजेन्द्र श्रेष्ठले पार्टीको आगामी कार्यदिशाबारे र नेता मृग्रेन्द्रसिंह यादवले पार्टीको संगठन सुदृढीकरण सम्बन्धी प्रतिवेदन पेस गरेका हुन् । 

दुई दिनसम्म चल्ने केन्द्रीय कार्य समितिको बैठकमा  दुवै नेताहरूको प्रतिवेदनमाथि केन्द्रित रहेर नेताहरूले आ-आफनो धारणा राख्‍नेछन् ।

बैठकमा प्रदेश कमिटीका नेताहरूले पनि  पार्टीको कार्यदिशा र संगठन सृदृढीकरणका विषयमा धारणा राख्‍नेछन् । नेता प्रमोद साहले पार्टीको तल्लो तहसम्मको संगठन सुदृढीकरणका लागि ठोस धारणा तय गर्न पनि केन्द्रिय कार्य समितिको बैठक बोलाएको बताए । भावी कार्यदिशाका विषयमा नेताहरूबीच गहन छलफल हुने पार्टीले जनाएको छ । 

बैठकको सुरुमा निर्वाचन आयोगबाट आधिकारिता पाएपछि केन्द्रीय सदस्यहरूले पद तथा गोपनियताको सपथ लिएका थिए ।