मौउरिन्होको टोटनहम रणनीतिमा केन र सनको साझेदारी

काठमाडौं : यो सिजन प्रिमियर लिगमा टोटनहम बलियो देखिएको छ । लिगमा ११ खेल सकिदाँ २४ अंक बटुलेको टोटनहम अंक तालिकाको पहिलो स्थानमा आसिन छ । लिभरपुलको समान अंक भएपनि गोल अन्तरका कारण जोसे मौउरिन्होको टिम अगाडि छ । यी दुई टिमलाई चेल्सीले पछ्याउँदै छ । लिगमा आधा खेलहरू पनि नसकिएको अवस्थामा उपाधी कसले जित्ला भन्ने अनुमान गर्न कठिन छ । तर उपाधी दौडमा टोटनहमको उपस्थितीलाई नर्कान सकिँदैन् ।

यस पटकको टोटनहमबारेमा धेरै कोणबाट बिश्लेषण गर्न सकिन्छ । रक्षा पंत्तिदेखि आक्रमण गर्ने शैलीसम्मलाई लिएर । अनि त्यसमा छुटाउनै नसकिने विषय हो, ह्यारी केन र सन ह्युङ मिनको जोडी ।

आइतबार उत्तरी लन्डनमा टोटनहम र आर्सनल भिड्दा केन र सनको जोडीले गोल ग¥यो । खेलको सुरुवातमै दक्षिण कोरियाली फरवार्ड सनले गोल गर्दा, इंग्लिस केनले पास उपलब्ध गराए । त्यस्तै, पहिलो हाफको अन्त्यमा टोटनहमको अग्रता दोब्बर बनाउन केनले गोल गरे । यस पटक सनले पैँचो तिरे । केनलाई दर्शनिय गोल गर्न सहयोग गर्ने सहकर्मी थिए, सन । टोटनहमका मूख्य स्ट्राइकर मानिने केनले यस सिजन लिगमा आठ गोल गरेका छन् । उनी भन्दा धेरै गोल गरेका छन्, सनले ।

धेरै खेलहरूमा यी दुई खेलाडीहरूले एक आपसलाई गोलका लागि पास उपलब्ध गराएका छन् । तथ्याकं केलाउने हो भने, जारी सिजनमा केन र सनले ११ गोलकालागि साझेदारी गरेका छन् । अर्को वाक्यमा भन्दा, यी दुईको जोडी जमिरहेको छ ।

गत सिजनबाट टोटनहम सम्हालिरहेका मौउरिन्होले पहिलो वर्षमा क्लबलाई लिगको शिर्ष चारभित्र छनौट गराउन सकेनन् । तर यसपटक, उनको प्रशिक्षणमा टोटनहम फरक देखिएको छ । टोटनहमले प्रत्येक खेल सर्तक भएर खेल्ने गरेको छ । रेलिगेशन (घटुवा) बाट बच्न संर्घषरत टिमले झै । यस्तो लाग्छ, मौउरिन्होले टोटनहमलाई ३८ औं खेलसम्म पनि यसरी नै खेलाउनेछन् ।

युरोपियन क्लब फुटबलमा प्रत्येक सफल टिमको आफ्नै प्रकारको खेल्ने शैली हुन्छ ।

माथि उल्लेख गरेझै प्रिमियर लिग सुरुवाती चरणमै छ । त्यसकारण टोटनहमले धेरै लामो यात्रा तय गर्नुपर्नेछ । अनि, मौउरिन्हो जस्ता प्रशिक्षकलाई पक्कै थाहा छ लामो यात्राका लागि कसरी तयार रहने भनेर । शायद त्यसकै संकेत हो, टोटनहमले प्रत्येक साता देखाउने संन्तुलित रक्षात्मक खेल । अनि त्यसमा, मिसिने ‘काउन्टर एट्याक’ ।

युरोपियन क्लब फुटबलमा प्रत्येक सफल टिमको आफ्नै प्रकारको खेल्ने शैली हुन्छ । प्रिमियर लिगमा योर्गेन क्लपको लिभरपुलको आफ्नै शैली छ । जसलाई ‘हाइप्रेस’ भनिन्छ । मौउरिन्होको टोटनहमले पनि आफुलाई सुहाउँदो शैलीलाई अंगिकार गरेको छ । बलियो रक्षापंत्तिले साथ दिएको केन र सन नेतृत्वको आक्रमक फुटबल ।

केन र सनले टोटनहममा पाँचवर्षसँगै बिताइसकेका छन् । यति लामो समयसँगै खेलेका कारण दुबैजना एकअर्काको खेल बुझ्छन् । त्यसकै नतिजा हो टोटनहमका लागि दुई सय ६३ गोलमा उनीहरूले गरेको साझेदारी । सन् २०१५ मा बार्यन लेभरकुजनबाट टोटनहम आएका सनले लन्डन क्लबकालागि दुई सय ४६ खेल खेल्दै ९८ गोल गरेका छन् । अनि ५३ असिस्टको योगदान पनि ।

जुनसुकै सफल खेलाडीका बारेमा छलफल हुदाँ उसलाई क्लबले खरिद गर्दा कती रकम खर्च गरेको थियो भन्ने पनि उल्लेख गरिन्छ । सनलाई क्लबमा भित्रयाउन टोटनहमले २२ मिलियन पाउन्ड मात्र खर्च गरेको थियो । सनले टोटनहममा देखाएको प्रदर्शनको तुलनामा उनको अनुबन्धनकालागि खर्च गरिएको रकम नगण्य हो । उता केनमाथि पनि टोेटनमहले धेरै पैसा खर्च गर्नुपरेन । किनभने उनी टोटनहमकै एकेडेमीबाट सिनियर टिममा बढुवा भएका हुन् ।

टोटनहमले केन र सनमाथि कम खर्च गरे पनि यी खेलाडीहरूले क्लबलाई भने ठूलो फाइदा पुर्‍याएका छन्, गुन लगाएका छन् । यी खेलाडीहरूको उपस्थिती नै टोटनहमको सबैभन्दा बलियो पक्ष हो । त्यसमा, प्रशिक्षक मौउरिन्हो पनि सहमत छन् । तब त मौउरिन्होले उनीहरूलाई स्वतन्त्रतापूर्वक खेल्न दिइरहेका छन् ।

केन र सन दुबै उच्च कौशल भएका खेलाडी हुन् । उनीहरू शारीरिक रूपमा पनि बलिया छन् । अनि मौउरिन्होले बनाएको रणनीतिलाई जस्ताको त्यस्तै लागू गर्न सक्षम पनि । त्यसो त केन स्ट्राइकर हुन् भने सनले आफ्नो करियरको प्राय खेलहरू विङ्गर भएर खेलेका छन् । तर मौउरिन्होको टोटनहममा यी दुई खेलाडीहरू जुनसुकै भूमिका पनि निपूर्ण देखिन्छन् । सन आफ्नो तिब्र गतिलाई कुशलतापूर्वक प्रयोग गर्छन् भने केन ‘प्लेमेकिङ’ क्षमतालाई । यी दुई खेलाडीहरू एकअर्काको कमजोर पक्षहरूलाई चलाखिपूर्ण तरिकाले परिपुर्ती गर्न प्रयास गर्छन् । त्यसमा सफल पनि भइरहेका छन् ।

आर्सनलविरुद्धको खेलमा केन र सनमा मात्र महत्वपूर्ण थिएनन् । यसै सिजन उत्तरी लन्डन क्लब आएका पियर एमाइल होइब्याक र फ्रेन्च विङ्गर मौसा सिसोकोको भूमिका पनि उत्तिकै महत्वपूर्ण थियो । जब-जब केन र सन आक्रमण बुन्न अघि बढ्थे उनीहरूलाई साथ दिनेमा होइब्याक र सिसोको हुन्थे । आर्सनलले यी चार खेलाडीहरूको जुझारुपनलाई झेल्न सकेन ।

प्रिमियर लिगका आउँदा खेलहरूमा टोटनहमको आक्रमणलाई अरु क्लबहरूले पनि झेल्नै छ । अझ भनौ, केन र सनको जोडीलाई । केन र सनको जोडीलाई बाँकी मिडफिल्डसँग जोडिनबाट कसरी रोक्ने ? विपक्षी टिमहरूले रणनीति बनाउन जरुरी छ । जसमा आर्सनल असफल भयो । (अन्तराष्ट्रिय सञ्चार माध्यमहरूको सहयोगमा)