दल विभाजनसम्बन्धी विधेयकविरुद्ध युवा संघको प्रदर्शन

काठमाडौँ - एमालेको भ्रातृ संस्था युवा संघले सरकारले ल्याएको दल विभाजन सम्बन्धी विधेयकविरुद्ध प्रदर्शन गरेको छ । मंगलवार काठमाडौंको वानेश्वर चोकमा नेकपा एमाले अध्यक्ष केपी शर्मा ओली पक्षधर युवा संघका कार्यकर्ताले सरकारले ल्याएको पार्टी विभाजनसम्बन्धी विधेयकविरुद्ध विरोध प्रदर्शन गरेका हुन् । 

युवा संघले नेकपा एमाले जिन्दवाद, मापसे सरकार मुर्दावाद, दल विभाजनसम्बन्धी विधेयक खारेज गर, विदेशी दलाल शेरबहादुर देउवा मुर्दावाद जस्ता नारा लगाएर विरोध प्रदर्शन गरेका हुन् । 

युवा संघले गरेको प्रदर्शनको क्रममा प्रहरीमाथि ढुङ्गामुढासमेत गरेको थियो । मंगलबार बसेको मन्त्रिपरिषद् बैठकबाट केन्द्रीय समिति वा संसदीय दलमा २० प्रतिशत संख्या पर्‍याए दल विभाजन गर्न सक्ने गरी राजनीतिक दल विभाजन सम्बन्धी विधेयक ल्याएको थियो । यसक्रममा प्रहरीसँग युवा संघका कार्यकर्ताको झडपसमेत भएको थियो ।