एकै दिन १५ सय रुपैयाँले बढ्यो सुनको भाउ

काठमाडौं : साताको सुरुवाती दुई दिनमा लगातार ओरालो लागेको सुनको भाउमा मंगलबार भने बढेको छ । सुनचाँदी व्यवसायी महासंघका अनुसार मंगलबार सुनको भाउ तोलामा एक हजार ५ सय रुपैयाँले बढेको हो ।

महासंघको तथ्यांकअनुसार मंगलबार सुन प्रतितोला ९४ हजार १ सय रुपैयाँमा कारोबार भइरहेको छ । सोमबार यसको भाउ प्रतितोला ९२ हजार ६ सय रुपैयाँ थियो ।

अन्तर्राष्ट्रिय बजारमा सोमबार सुनको भाउ प्रति औंस १ हजार ८ सय ५० अमेरिकी डलर पुगेको थियो । मंगलबार सुनको भाउ प्रति औंस १ हजार ८ सय ६८ डलर पुगेको छ ।

मंगलबार चाँदीको भाउ समेत बढेको छ । यो ३० रुपैयाँ प्रतितोलाले बढेको हो । सोमबार १ हजार दुई सय ५ रुपैयाँमा कारोबार भइरहेको चाँदीको भाउ मंगलबार १ हजार दुई सय ३५ रुपैयाँ कामय भएको महासंघले जानकारी दिएको छ ।