सूर्य थापाको दाबी : पराइको षड्यन्त्रप्रति चनाखो नभई एकताको गीत गाउनु अर्थहीन

काठमाडौँ – नेकपा एमालेका केन्द्रीय सदस्य सूर्य थापाले एमालेको एकतामा सक्रिय नेताहरूलाई पराइको षड्यन्त्रबाट बँच्‍न आग्रह गरेका छन् । एमालेका वरिष्ठ नेता माधव नेपाल पक्षमा रहेका तर नेपालले एमाले विभाजन गरेर नयाँ दल दर्ता गरेपछि त्यता नलागेका नेताहरूले सिद्धान्तहीन तरिकाले एकताको गीत गाइरहेको थापाको दाबी छ ।

नेपाल पक्षमा रहेका तर अहिले अध्यक्ष केपी ओलीसँग एकता वार्ता गरिरहेका अष्टलक्ष्मी शाक्य, घनश्याभ भुसाल, योगेश भट्टराईले सिद्धान्तहीन र पराइको विभाजनकारी षड्यन्त्रप्रति चनाखो नभई निरपेक्ष एकताको गीत गाएकोसमेत थापाको आरोप छ ।

‘सबै लचिलो हुनुपर्ने अपेक्षा त स्वभाविक नै छ, तर सिद्धान्तहीन र पराइको विभाजनकारी षड्यन्त्रप्रति चनाखो नभई निरपेक्ष एकताको गीत गाउनु अर्थहीन हुन्छ,’ थापाले ट्वीटमा लेखेका छन्, ‘विघटित कार्यदलले सुझाएका १० बुँदालाई स्थायी र केन्द्रीय कमिटीका बैठकहरूले ग्रहण,अनुमोदन र कार्यान्वयन गर्ने निर्णय गरिसकेकै छन् ।’

सबै लचिलाे हुनुपर्ने अपेक्षा त स्वभाविक नै छ,तर सिद्धान्तहीन र पराइकाे विभाजनकारी षड्यन्त्रप्रति चनाखो नभई निरपेक्ष एकताकाे गीत गाउनु अर्थहीन हुन्छ।विघटित कार्यदलले सुझाएका १० बुँदालाई स्थायी र केन्द्रीय कमिटीका बैठकहरूले ग्रहण,अनुमाेदन र कार्यान्वयन गर्ने निर्णय गरिसकेकै छन्। pic.twitter.com/bOqW2EFdPI

— Surya Thapa (@ThapajiSurya) August 23, 2021