बाइडनको त्यो बाचा : जसले धमाधम घट्‌दैछ सुनको भाउ

काठमाडौं : मंगलबार अचानक तोलामा १५ सय रुपैयाँले बढेको सुनको भाउ बुधबार घटेको छ । अन्तर्राष्ट्रिय बजारमा सुनको भाउ घटेसँगै नेपाली बजारमा त्यसको प्रभाव परेको हो । सुनचाँदी व्यवसायी महासंघका अनुसार बुधबार सुन तोलाको ९३ हजार ४ सय रुपैयाँमा कारोबार भइरहेको छ । मंगलबार यसको मूल्य ९४ हजार १ सय रुपैयाँ थियो ।

नवनिर्वाचित अमेरिकी राष्ट्रपति जो बाइडनले आफ्नो कार्यकालको पहिलो सय दिनभित्र १० करोड अमेरिकी जनतालाई कोभिड-१९ विरुद्धको भ्याक्सिन उपलब्ध गराउने बाचा गरेपछि लगानीकर्तामा उत्साह बढेको हो । उनको कार्यकालले अर्थतन्त्रलाई त्राण दिने अपेक्षामा लगानीकर्ताहरु सुनमा थुपारिएको लगानी अन्य क्षेत्रमा लगाउन खोजिरहेको अन्तर्राष्ट्रिय सञ्चारमाध्यमको विश्लेषण छ ।

सुनसँगै चाँदीको भाउमा समेत गिरावट आएको छ । चाँदी तोलामा २० रुपैयाँले घटेको हो । महासंघका अनुसार मंगलबार १२ सय ३५ रुपैयाँ तोलामा कारोबार भइरहेको बुधबार १२ सय १५ रुपैयाँ पुगेको छ ।

र, यो पनि
- बाइडनले पद सम्हालेको सय दिनमा १० करोडलाई कोभिड खोप दिने बाचा