लत्ताकपडा बरामद

पर्सा- जिल्लाको वीरगञ्‍ज महानगरपालिका-१६ ईनरुवास्थित सीमा ईलाकाबाट सशस्त्र प्रहरीले करिब ५ लाख १ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अबैध रुपले ल्याउँदै गरेको उक्त लत्ताकपडा सशस्त्र प्रहरी बल नेपाल बोर्डर आउट पोष्ट वीरगञ्‍जबाट खटिएको सशस्त्र प्रहरीले बरामद गरेको हो ।

बरामद लत्ताकपडा भन्सार कार्यालय वीरगञ्‍जमा बुझाइएको छ । यसैगरी सशस्त्र प्रहरी बल नेपाल बोर्डर आउट पोष्ट जमुनाहबाट खटिएको सशस्त्र प्रहरीले भाद्र ८ गते करिब २ लाख ५ हजार रुपैयाँ बराबरको चोरीपैठारीको किराना सामान बरामद गरेको छ ।

अवैध रुपले नेपालतर्फ ल्याउँदै गरेको उक्त सामान सशस्त्र प्रहरीले बाँकेको नेपालगञ्‍ज उपमहानगरपालिका-१६ जयसपुरस्थित सीमा ईलाकाबाट बरामद
गरेको हो । बरामद  सामान भन्सार कार्यालय जमुनाहमा बुझाइएको छ ।