विवेकशील र साझा पार्टी दोस्रो पटक एक भए

काठमाडौं : साझा पार्टी र विवेकशील नेपाली दलबीच एकता भएको छ । दुवै दलबीच बुधबार एकता भएको हो । नयाँ पार्टीको नाम विवेकशील साझा पार्टी रहने भएको छ । एकीकरण पत्रमा साझा पार्टीका संयोजक रहेका रवीन्द्र मिश्र र विवेकशील नेपाली दलका अध्यक्ष रहेका मिलन पाण्डेले हस्ताक्षर गरेका छन् । आज बिहान चलेको हस्ताक्षर कार्यक्रमको भिडिओ कार्यक्रमको सुरूमै देखाइएको थियाे । 

योसँगै नयाँ दलकाे अध्यक्षमा मिश्र भएका छन् भने पाण्डे राष्ट्रिय संयोजक भएका छन् । कोभिड–१९ ले सिर्जना गरेको प्रतिकूल परिस्थितिलाई दृष्टिगत गर्दै पार्टी एकता घोषणा कार्यक्रम जुम र फेसबुक लाइवमार्फत्  गरिएको छ।

अलग अलग स्थापना भएका दल बीचमा एकीकरण भएर पुनः विभाजित भएका थिए । उनीहरूले विगतमा फुटप्रति माफी मागेका छन्। घोषणा कार्यक्रमलाई सम्बोधन गर्दै विवेकशील नेपाली दलका संयोजक पाण्डेले विगतमा पार्टी फुट्नु दुर्घटनाको संज्ञा दिएका छन्। एकीकरण घोषणा कार्यक्रम अहिले चलिरहेको छ।