वाइसीएल अध्यक्ष छान्ने जिम्मा पार्टी अध्यक्ष दाहाललाई
भदौ १४, २०७८ सोमबार १९:४८
काठमाडौँ – नेकपा माओवादी केन्द्रले युवा संगठन योङ कम्युनिस्ट लिग, नेपाल (वाइसीएल)को अध्यक्ष छान्ने जिम्मा पार्टी अध्यक्ष पुष्पकमल दाहाललाई दिएको छ ।सोमबार पार्टी केन्द्रीय कार्यालय पेरिसडाँडामा बसेको स्थायी कमिटी बैठकले पार्टी अध्यक्ष दाहाललाई वाइसीएल अध्यक्ष चयन गर्ने जिम्मेवारी दिएको हो ।
शनिबारबाट जारी वाइसीएलको राष्ट्रिय भेलाले संगठनको अध्यक्ष चयन गर्न नसकेपछि सोमबार अपराह्न पेरिसडाँडामा पार्टीको बैठक बसेको हो । बैठकमा छलफलपछि वाइसीएलको अध्यक्ष चयन गर्ने जिम्मेवारी पार्टी अध्यक्ष दाहाललाई दिइएको सहभागी एक नेताले जानकारी दिए ।
वाइसीएल अध्यक्षमा सुवोधराज सेर्पाली र सुमन देवकोटाले दाबेदारी प्रस्तुत गरेका छन् । देवकोटा पार्टी अध्यक्ष दाहाल निकट छन् भने सेर्पाली पार्टी स्थायी कमिटी सदस्य जनार्दन शर्मा पक्षधर हुन् । अध्यक्षमा सेर्पालीभन्दा देवकोटाको सम्भावना बढी रहेको वाइसीएलका नेताहरूले बताउँदै आएका छन् । सेर्पाली वाइसीएल महासचिव हुन् भने देवकोटा उपाध्यक्ष हुन् ।
लेखा समितिमा महालेखाको प्रतिवेदनमाथि छलफल हुने
कांग्रेसको महाधिवेशन २०८३ साल मङ्सिरको आसपासमा हुन्छः नेता सिटौला
सभापति देउवाद्वारा गण्डकी प्रदेशका पूर्वप्रमुख गुरुङको निधनप्रति दुःख व्यक्त
प्रदेश प्रमुख गुरुङको निधनप्रति राष्ट्रपतिद्वारा श्रद्धाञ्जली
लुम्बिनी नेपालको मात्र नभई सम्पूर्ण मानवजातिका लागि शान्तिको प्रतिक : उपप्रधानम…
कुलिङ पिरियडमा एमालेले अन्ततः म्याउ गर्यो : प्रचण्ड
आवश्यकताअनुसार संविधान संशोधन हुन्छः सभापति देउवा
प्रतिक्रिया