प्रदेश १ का १० सांसद एकीकृत समाजवादीको पक्षमा खुले

विराटनगर - नेकपा (एकीकृत समाजवादी)का प्रदेश १ का १० जना सांसदले निर्वाचन आयोगमा पुगेर सनाखत गरेका छन् । निर्वाचन आयोग कार्यालय पुगेर १० जनाले सनाखत गरिसकेका हुन् । आठ जनाले यसअघि नै सनाखत गरेका थिए भने थप दुई जना सांसद सनाखतका लागि आयोग पुगेका हुन् । सांसद उपेन्द्र घिमिरे र कृष्ण कुमारी राई पनि सनाखतका लागि आयोग पुगेका हुन् । उनीहरू नागरिकताको नाममा त्रुटि भएका कारण निर्वाचन आयोगको प्रदेश कार्यालय पुग्ग समय लागेको जनाइएको छ ।

यसअघि ८ जना सांसद राजेन्द्र राई, खिनु लङ्वा लिम्बू, राजन राई, सुनिता चौधरी, गणेश काम्बाङ, सरिता थापा, साबित्रा कुमारी रेग्मी, पदम कुमारी गुरुङले आयोग पुगेर सनाखत गरेका थिए ।