धनगढीमा कोभिड संक्रमितको मृत्यु

धनगढी : धनगढीमा होम आइसोलेसनमा रहेका कोभिड-१९ संक्रमितको मृत्यु भएको छ । धनगढी उपमहानगरपालिका-२ का ४२ वर्षीय पुरुषको होम आइसोलेसनमा मृत्यु भएको हो ।

उनी क्यान्सरबाट पीडित थिए । उनलाई उपचारका लागि चितवन लगेर घरमा ल्याइएको र होम आइसोलेसनमा मृत्यु भएको उप महानगरपालिकाको स्वास्थ्य शाखाले जनाएको छ ।

असोज १५ गते स्वाब दिएका उनमा १७ गते कोरोना पुष्टि भएको थियो । योसँगै धनगढीमा कोरोनाबाट मृत्यु हुनेको संख्या पाँच पुगेको छ । सुदूरपश्चिममा मृतकको संख्या २५ पुगेको छ ।