धोका पाएपछि पारमिताले लिइन् प्रेमीसँग बदला

काठमाडौँ :  नायिकाबाट गायिका समेत बनेकी पारमिता आर एल रानाले आफ्नै स्वरमा ‘मायाको भूल’ बोलको गीत सार्वजनिक गरेकी छिन् । यो गीतको भिडियो शुक्रबार रिलिज भएको छ । 

यो गीतमा परमिताको स्वर, पिरो राना र परमिताकै शब्द छ । गीतले प्रेममा बारम्बार धोका पाएपछि एक युवतीले लिएको बदलाको कथालाई उठाएको छ ।
गीतको भिडियो आकर्षक छ ।

भिडियोमा परमिता आफैँ देखिएकी छिन् । साथमा मोडलद्धय करुणा श्रेष्ठ र आशिष केसीलाई पनि भिडियोमा हेर्न सकिन्छ । यो गीतको भिडियोमा सम्पादन, भिएफएक्स तथा निर्देशन जेम्स लामाको छ । नेपालमा बनिरहेका भिडियो भन्दा बिल्कुलै नयाँ सोचमा  भिडियो निर्माण गरेको निर्माण पक्षको दाबी छ ।