भ्रममा नपर्नू, एलएलबी दोस्रो वर्षको २७ गतेको परीक्षा हुन्छ : नियन्त्रक जोशी

फाइल फोटो

काठमाडौँ - त्रिभुवन विश्वविद्यालय अन्तर्गत नेपाल ल क्याम्पसको एलएलबी दोस्रो वर्षको आंशिक परीक्षा तोकिएकै समयमा हुने परीक्षा नियन्त्रण कार्यालयले जनाएको छ । परीक्षा नियन्त्रक पुष्पराज जोशीले भदौ २७ गतेको परीक्षा तोकिएकै समयमा हुने भन्दै भ्रममा नपर्न आग्रह गरेका हुन् ।

भदौ २७ गते आंशिकतर्फ सार्वजनिक अन्तराष्ट्रिय कानुन विषयको परीक्षा हुँदैछ । तर केही विद्यार्थी संगठनले परीक्षा हुँदैन भन्दै भ्रम फैलाएकाले विद्यार्थी अन्यौलमा परेका थिए । यसबारे कुनै भ्रममा नपर्न परीक्षा नियन्त्रक जोशीले आग्रह गरेका हुन् । अरु विषयको परीक्षाको समयतालिका र परीक्षा केन्द्र पनि तोकिने तथा कुनै पनि परीक्षा नरोकिने पनि परीक्षा नियन्त्रक जोशीले स्पष्ट पारेका छन् ।