फेसबुक रेबनको स्मार्ट ग्लास आज सार्वजनिक हुदैँ

काठमाडौँ - फेसबुक र रेबनको सहकार्यमा निर्माण गरिएको स्मार्ट ग्लास आज बेलुका सार्वजनिक हुँदै छ । फेसबुकले रेबनसँग मिलेर नयाँ स्मार्ट ग्लास ल्याउने घोषणा पछि यसलाई विषेश आकर्षणका रुपमा हेरिएको थियो । 

एक इभी नामक ट्वीटर प्रयोगकर्ताले फेसबुक र रेबनका स्मार्ट ग्लासका विभिन्न तस्बिरहरू सार्वजनिक गरेका छन् । आज बेलुका सार्वजनिक हुने उक्त ग्लासको फोटो आफ्नो ट्वीटर मार्फत सार्वजिनक गरेका हुन् । 

‘रेबन स्टोरिज’ नाम दिइएको उक्त ग्लासमा फेसबुकको कुनै लोगो प्रयोग भने भएको छैन । तर, ग्लासको बाहिरी कभरमा भने रेबन र फेसबुक दुवैको लोगो प्रयोग गरिएको देखिन्छ । इभिले सार्वजनिक गरेको जानकारी अनुसार ग्लास तीन विभिन्न फ्रेममा आउने छ । जुन रेबनका क्लासिकल डिजाइनसँग मिल्दो रहेका छन् ।

त्यस्तै ग्लासको दुई साइडमा क्यामेरा रहेको छ ।  मार्क जुकरबर्गले सानो ट्रिजर आफ्नो ट्वीटरबाट सार्वजनिक गरेका थिए ।