कांग्रेस प्रमुख सचेतक खाणले पनि फिर्ता गरे दसैं भत्ता

काठमाडौं : प्रमुख प्रतिपक्षी दल नेपाली कांग्रेसका प्रमुख सचेतक बालकृष्ण खाणले सरकारले जनप्रतिनिधिका रूपमा आफूलाई उपलब्ध गराएको दसैं भत्ता फिर्ता गरेका छन् । 

कोभिड-१९ को बिषम परिस्थितिमा आाम नेपालीले अभाव र पिडा भोगिरहेको बेलामा जनप्रतिनिधिका रूपमा उचित नलागेको सामाजिक सञ्‍जाल ट्‍वीटरमा उल्लेख गरेका छन् ।  'अहिलेको बिषम अबस्था र आमनेपालीले भोग्‍नुपरेको अभाव र पिडालाई ध्यानमा राख्दै जनप्रतिनिधिको रूपमा दशैं भत्ता लिन उचित लागेन । यो रकम संसद सचिवालय मार्फत सरकारलाई फिर्ता गर्दछु। सरकारले जनहितमा उपयोग गरोस्,' खाणले ट्‍वीटरमा भनेका छन् ।

 

अहिलेको बिषम अबस्था र आमनेपालीले भोग्नुपरेको अभाव र पिडालाई ध्यानमा राख्दै जनप्रतिनिधिको रूपमा दशैं भत्ता लिन उचित लागेन।यो रकम संसद सचिवालय मार्फत सरकारलाई फिर्ता गर्दछु।सरकारले जनहितमा
उपयोग गरोस्।
बालकृष्ण खाण
सदस्य
प्रतिनिधि सभा

— Balkrishna khand (@KhandBalkrishna) October 18, 2020

यसअघि सत्तारुढ दल नेकपा स्थायी समिति सदस्यद्वय प्रतिनिधिसभामाका सांसदहरू जनार्दन शर्मा र डा. भीम रावलले दसैं भत्ता फिर्ता गर्ने घोषणा गरिसकेका छन् । 

साझा पार्टीकी प्रदेश सभा सदस्य शोभा शाक्यले पनि दसैं भत्ता फिर्ता गरेको घोषणा गरेकी थिइन् ।