र्‍यापर बिजेनको ‘मरे पछि’

 काठमाडौं -  नेपाली हिपहप संगीतमा नयाँ नाम होइन । यिनै बिजेन अहिले नयाँ गीत ‘मरे पछि’ लिएर दर्शकमाझ आएका छन् । ‘हस त नमस्ते’, ‘लोकल सोकल’, ‘गाउँकी नानी’, ‘लिम्बु हो कि नेवार’ जस्ता गीतका गायक बिजेनले डेब्यु एल्बम ‘बिजेन’मा रहेको गीत ‘मरे पछि’ आफ्नै युट्युब च्यानलबाट सार्वजनिक गरेका हुन् ।

‘दोस्रो लकडाउन पछि म रमाउन सकेको थिइनँ । त्यसकारण त्यो समयमा केही काम गर्नुपर्छ भनेर मैले बिहान ४ बजेर ३० मिनेटमा जाँदा यो गीत ‘मरे पछि’ लेखें’, उनले भनेका छन् ।

बिजेनका अनुसार गीतले व्यक्ति र उसको वरपर रहेको सम्बन्धको बारेमा बोलेको छ । जीवनमा स्थायी केही नभएका कारण मानिसले अनुशासनमा रहेर खुशी जीवन बिताउन सक्नुपर्छ भन्ने सन्देश गीतले दिएको छ ।

पीभीई नेटवर्कले व्यवस्थापन गरिरहेको बिजेनको यो एल्बम सन् २०२१ भित्रै रिलिज गर्ने तयारी गरिएको छ । उनी एल्बमको प्रवद्र्धनका लागि नेपाल टुरमा निस्कँदैछन् ।