नेपाल प्रचार गर्ने भारतीय रमाइलो शैली

काठमाडौं : केही दिनयता नेपालको प्रचार गरिएको भिडियो सामाजिक सञ्‍जालमा खुबै सेयर भइरहेको छ । मानसी अग्रवालले पाटन दरबार स्क्‍वायरलाई पृष्ठभूमिमा राखेर बनाएको बनाएको यो भिडियोमा उनले नेपाल घुम्‍न आउन नहुने ७ कारण भन्दै नेपालको प्रशंसा गरेकी छिन् । 

‘मेरो मुखबाट नेपालको प्रशंसा सुनेर वाक्क भएका मेरा साथीहरू आज झन् चकित पर्नेछन् ।  म आज नेपाल घुम्न आउनै नहुने ७ कारण यहाँहरू बाँड्दै छु,’ उनले भिडियोका सुरुमै भनेकी छिन् । उनले आफू १४ वर्षदेखि नेपालसँग परिचित रहेको बताउँदै नेपाल आएपछि फर्केर जानै मन नलाग्‍ने भएकाले नेपाल आउँदै नआउन सुझाव दिएकी छिन् । 

उनले भिडियोमा नेपालको मौसम, प्राकृतिक सुन्दरता, विविधता, सभ्यता, संस्कृति, खानपिन र मानिस गरी ७ कुरा गज्जब रहेकाले घुमाउरो गरी नेपाल आउन सुझाएकी छिन् ।