बुद्ध एयरबाट फर्केका ४९ यात्रु पुनः विराटनगर गए

फाइल तस्बिर

काठमाडौँ- विराटनगरतर्फ गएको बुद्ध एयरको जहाजबाट फर्केका यात्रु पुनः विराटनगर गएका छन् । २ जना बच्चासहित कुल ४९ जना यात्रु विराटनगर गएको विमानस्थलका प्रहरी एसएसबी राजनाथ बास्तोलाले जानकारी दिए । उनका अनुसार बाँकी यात्रु बुधबार जाने भएका छन् । यात्रुले आफै टिकट सारेका हुनाले बुधबार जाने भएका हुन् ।

विराटनगर विमानस्थलमा अवतरण गर्ने क्रममा इन्डीकेटरमा खराबी देखिएपछि बुद्ध एयरको जहाज काठमाडौँमा सफल अवतरण गरेको थियो । इन्डिकेटरमा समस्या देखिएपछि र टावरले पनि गियर नझरेको संकेत दिएपछि जहाजलाई विमान चालकले काठमाडौँ फर्काएको बुद्ध एयरले जनाएको छ ।

सोमबार विराटनगरतर्फ गएको नाइनएन एनआई उडान संख्या युफोसेभेनशून्यवान विमानमा कुल ७३ जा यात्रु सवार थिए । वयस्क ६८, नवजात शिशु ३ र बच्चा २ जना थिए । सुरक्षा निर्देशिकाअनुसार जहाजमा रहेको इन्धनलाई कम गर्न केही बेर आकाशमा फन्को मारी सबै सुरक्षा मापदण्ड पूरा गरी सुरक्षितसाथ अवतरण गरेको हो ।