बागमती प्रदेश प्रहरी कार्यालयद्वारा आयोजित भलिबल प्रतियोगिता सम्पन्न

हेटौंडा – बागमती प्रदेश प्रहरी कार्यालयले आयोजना गरेको भलिबल प्रतियोगिता सम्पन्न भएको छ । कार्यालयले आयोजना गरेको अन्तर प्रहरी कार्यालय स्तरीय भलिबल प्रतियोगिता सोमबार सम्पन्न भएको हो ।

खेलमा बागमती प्रदेश प्रहरी कार्यालय, जिल्ला प्रहरी कार्यालय मकवानपुर, चितवन, दंगा नियन्त्रण प्रहरी गण हेटौंडा र सशस्त्र प्रहरी गण रातोमाटे गरी पाँच वटा प्रहरी कार्यालको सहभागिता रहेको थियो । 

उक्त खेलमा दंगा नियन्त्रण प्रहरी गण हेटौंडाले प्रथम स्थान हासिल गरेको थियो भने बागमती प्रदेश प्रहरी कार्यालयले दोस्रो स्थान हात पारेको थियो । बिजेता पहिलो र दोस्रो हुने खेलाडीहरूलाई प्रहरी दिवसको कार्यक्रममा नै नगद, मेडल र प्रमाणपत्रसहित सम्मान गरिने कार्यालयले जानकारी दिएको छ ।