काठमाडौँ महानगरमा २२ गतेबाट १८ वर्षमाथिका सबैले खोप पाउने

फाइल तस्बिर

काठमाडौँ- काठमाडौँ महानगरले  १८ वर्षमाथिका सबैलाई भेरोसेलको पहिलो मात्रा खोप लगाउने भएको  छ । महानगरले तीन दिन कोभिड–१९ विरुद्धको खोप कार्यक्रम सञ्चालन गर्ने भएको हो । असोज २२ देखि सुरु हुने कार्यक्रम २४ गते सम्म हुने भएको हो । बिहान १० बजेदेखि ४ बजेसम्म खोप कार्यक्रम सञ्‍चालन हुने भएको छ ।  

महानगरको सबै वडामा खोप लगाइने छ । परिचय खुल्ने फोटोसहितको परिचयपत्र लानुपर्ने छ । खोप लगाउन विद्युतीय दर्ता गरेका नागरिकहरूलाई वडा स्तरीय खोप समन्वय समितिले व्यवस्था गर्ने छ । 

अन्य खोप केन्द्रहरू नेपाल प्रहरी अस्पताल, वीर अस्पताल, सिभिल अस्पाल, परोपकार प्रसुती तथा स्त्रीरोग अस्पताल थापाथली र वीरेन्द्र सैनिक अस्पतालमा खोप लगाइने महागरले जनाएको छ ।