नेकपा एसले प्रदेश १ र बागमतीमा मुख्यमन्त्री पाउने सहमति

काठमाडौँ – सत्ता गठबन्धनमा रहेको नेकपा एकीकृत समाजवादीले प्रदेश १ र बागमती प्रदेशमा मुख्यमन्त्री पाउने सहमति भएको छ । गठबन्धनका शीर्ष नेताहरूबीच बिहीबार प्रधानमन्त्रीको सरकारी निवास बालुवाटारमा भएको छलफलमा यस्तो सहमति भएको हो । .

उक्त छलफलमा आपसी मतभेदलाई अन्त्य गर्दै शुक्रबार (भोलि) मन्त्रिपरिषद्लाई पूर्णता दिने सहमति भएको छलफलमा सहभागी एक नेताले जानकारी दिए ।मन्त्रालय बाँडफाँडको विषयमा दलहरूबीच असमझदारी भएपछि प्रधानमन्त्री शेरबहादुर देउवाले बिहीबार गठबन्धनको बैठक बोलाएका हुन् ।

बैठकमा मन्त्रालय बाँडफाडका बिषयमा असन्तुष्टि राखेको नेकपा एकीकृत समाजवादीलाई प्रदेश १ र बागमती प्रदेशको मुख्यमन्त्री दिने सहमति भएको हो । नेकपा एसबाट प्रदेश १ मा राजेन्द्र राई र बागमती प्रदेशमा राजेन्द्र पाण्डे मुख्यमन्त्रीका दाबेदार छन् ।