डेभ वाटमोर नेपाल क्रिकेट टिमको मूख्य प्रशिक्षकमा नियुक्त

काठमाडौं : अस्ट्रेलियाका डेभ वाटमोर नेपाल राष्ट्रिय क्रिकेट टिमको मूख्य प्रशिक्षकमा नियुक्त भएका छन् । नेपाल क्रिकेट संघ (क्यान) ले बिहिबार विज्ञप्ति जारी गर्दै श्रीलंकामा जन्मेका अस्ट्रेलियन नागरिक वाटमोरलाई मूख्य प्रशिक्षकको जिम्मेवारी दिइएको जानकारी दियो । 

सन् १९९६ मा श्रीलंकालाई विश्वकप जिताएको वाटमोरले पाकिस्तान, बंगलादेश र जिम्बाबेको प्रशिक्षण सम्हालिसकेका छन् । यसैबीच, क्यानले रौनक बहादुर मल्ललाई जेनरल म्यानेजर, रमेश कुमार न्यौपानेलाई चिफ फाइनान्स अफिसर र बिनोद कुमार दासलाई क्रिकेट म्यानेजरमा नियुक्त गरेको छ ।