देउवा बेलायत जाँदै, पुरानो मित्र मुलुकसँग दुई पक्षीय भ्रमण भने नहुने

काठमाडौँ - प्रधानमन्त्री शेरबहादुर देउवाले आफ्नो पहिलो विदेश भ्रमण बेलायतबाट सुरु गर्ने भएका छन् । उनी जलवायु परिर्वतनसम्बन्धी सम्मेलनमा भाग लिन बेलायतको ग्लास्ग्वो जाने भएका हुन् । उनी कात्तिकको तेस्रो साता ग्रेट ब्रिटेन अन्तरगत स्कटल्याण्डको सिटि ग्लास्ग्वोमा हुने सम्मेलनमा सहभागी हुन लागेका हुन् ।  

सोमबार सिंहदरबारमा बसेको मन्त्रिपरिषद् बैठकले ग्लास्ग्वोमा हुने जलवायु परिर्वतनसम्बन्धी वर्ल्ड लिडर समिटमा भाग लिन प्रधानमन्त्रीको नेतृत्वमा प्रतिनिधिमण्डल गठन गर्ने निर्णय भएको सञ्‍चारमन्त्री ज्ञानेन्द्रबहादुर कार्कीले बताए । वर्ल्ड  लिडर समिट नोभेम्बर १-२ मा स्टकल्याण्डको ग्लास्ग्वोमा हुनेछ ।

त्यही समिटलाई भ्याउने गरी त्यसतर्फ जान लागेका हुन् । यद्यपि बेलायतमा यतिबेला नेपालको राजदूत समेत छैनन् । उनी जाने भएपछि त्यहाँ नयाँ राजदूत तय गर्न पर्ने थियो । परराष्ट्र मन्त्रालयले पनि यस विषयमा प्रधानमन्त्रीलाई सुझाव दिन आवश्यक थियो । प्रधानमन्त्री भएपछि पहिलो भ्रमण ब्रिटेनमा हुँदा त्यहाँ हुने भेटवार्ता तय गर्ने र अझ सकिन्छ यस्तो अवस्थामा दुई पक्षीय भ्रमणको समेत तयारी गर्ने कार्यका लागि राजदूत नै आवश्यक हुन्छ । 

राष्ट्रसंघ अन्तरगतको सम्मेलनमा भाग लिन जो भएकाले यो भ्रमण दुईपक्षीय नहुँदा पुरानो मित्र मुलुकसँग नेपालको सम्बन्ध बारेमा अन्यले प्रश्न समेत गर्ने अवस्था रहन्छ । तर त्यस तर्फ ध्यान नै नदिएर देउवा नेतृत्वको टोली बेलायत जाने भएका छन् । देउवाका मुख्य सचिव परराष्ट्र सचिवबाट गएका हुनाले उनलाई यस विषयमा जानकारी हुन पर्ने ? बेलायत जस्तो मुलुकमा देउवाको भ्रमण हुँदा दुईपक्षीय भ्रमण गराउन सकिँदैन भने किन भ्रमण गर्ने ? यो विषयमा सोच्न आवश्यक छ । 

त्यहाँका राजदूतलाई सरकारले फिर्ता बोलाएको भए पनि उनी अझै फर्केका छैनन् । कार्यबाहक राजदूतले सबै काम गर्न सहज हुँदैन । त्यही विषयलाई लिएर बहस छलफल भइरहेका अवस्थामा देउवा त्यसतर्फ जान लागेका हुन् । उनको नेतृत्वको टोलीले जलवायु परिवर्तन बारे नेपालको धारणा राख्नेछ । 

हुन त प्रधानमन्त्री भएपछि भारत तर्फको भ्रमण गरेर मात्र अन्यत्र जाने गरेका थिए । यसपटक भने यसमा देउवाले ब्रेक लगाउने सम्भावना देखिएको छ । यद्यपि यस बीचमा भारत भ्रमणको पनि छलफल र बहस नभएको होइन । देउवाको दूतको रुपमा तीन नेता भारत पुगेर भारतीय जनता पार्टीका शीर्ष नेताहरूसँग छलफल गरेर फर्केको धेरै भएको छैन । देउवा बेलायत पुगे उनी पाचौँ पटक प्रधानमन्त्री भएपछिको पहिलो भ्रमण हुनेछ । उनी २९ असारमा प्रधानमन्त्री नियुक्त भएदेखि नै विदेश भ्रमणमा गएका छैनन् ।