सेती नदीमा बाढी, आवतजावत बन्द (तस्बिरहरू)

कैलाली- आइतबारदेखि लगातार परेको पानीले डोटीको दीपायलमा रहेको सेती नदीमा बाढी आएको छ । नदीले खतराको तह पार गरेको बाढी पूर्वानुमान महाशाखाले जनाएको छ ।

बाढीका कारण पुलमा आवतजावत बन्द गरिएको छ भने दर्जनौँ घरहरू डुबानमा परेका छन् । स्थानीय टेकराज उपाध्यायले बाढीका कारण करौडौ बढीको नोक्सानी भएको बताउँदै महिन्द्राको शोरुम र ग्यारेज पुर्ण रुपमा क्षति भएको बताए ।

भोलिसम्मै यी नदीहरूमा बाढीको जोखिम रहेको पनि महाशाखाले जनाएको छ । यस्तै देशका अरु नदी तथा खोलामा पनि बाढी आउने सम्भावना भएकाले सावधानी अपनाउन मौसमविद्‌ले आग्रह गरेका छन् । भोलिसम्म नै निरन्तर ठूलो पानी पर्ने र पर्सिदेखि भने मौसममा सामान्य सुधार हुँदै जाने जल तथा मौसम पूर्वानुमान महाशाखाले जनाएको छ ।

पर्सिदेखि पनि बादल रहने भएकाले मौसम पूरै सफा नहुने महाशाखाका मौसमविद् प्रतिभा मानन्धरले बताइन् । शनिबार रातीदेखि देशका विभिन्‍न ठाउँमा लगातारको वर्षाले जनजीवन प्रभावित भएको छ ।

तस्बिर : टेकराज उपाध्याय