विपी प्रतिष्‍ठानका पदाधिकारी हटाउन समिति गठन

फाइल तस्बिर

काठमाडौँ - सरकारले वीपी कोइराला स्वास्थ्य विज्ञान प्रतिष्‍ठानका पदाधिकारी हटाउन समिति गठन गरेको छ । स्वास्थ्य तथा जनसंख्या मन्त्री विरोध खतिवडाको अध्यक्षतामा तीन सदसीय छानबिन समिति गठन गरेको हो ।

बुधबार मन्त्रालयले मन्त्री विरोध खतिवडाको अध्यक्षतामा स्वास्थ्य सचिव र धरान उपमहानगरपालिकाका प्रमुख सदस्य रहेको तीन सदसीय समिति गठन गरेको हो ।

समितिले २१ दिन भित्र प्रतिवेदन बुझाइसक्नुपर्ने मन्त्री खतिवडाले इकागजले जानकारी दिए । प्रतिष्‍ठानको सिनेट सदस्यको २५ प्रतिशत सदस्यले पदाधिकारी हटाउन सक्ने व्यवस्था रहेको छ ।

प्रतिष्‍ठानमा भ्रष्‍ट्राचार तथा अनियमितता बढेको भन्दै स्वास्थ्यकर्मी तथा कर्मचारीले सय दिनभन्दा बढी आन्दोलन गरेका थिए । उपकुलपति डा. ज्ञानेन्द्र गिरीको नक्कली प्रमाणपत्र पेश गरेका थिए । पछिल्लो समय मादक पदार्थ सेवन गरी गिरी कार्यालयमा गएका थिए ।