१० बुँदे कार्यान्वयन कार्यदल संयोजकबाट राजीनामा दिने भीम रावलको घोषणा

काठमाडौँ – नेकपा एमालेभित्र १० बुँदे कार्यान्वयनका लागि बनाइएको कार्यदलबाट संयोजक भीम रावलले राजीनामा दिने घोषणा गरेका छन् । शुक्रबार ललितपुर च्यासलस्थित तुलसीलाल स्मृति प्रतिष्ठानमा बसेको स्थायी कमिटी बैठकमा उपस्थित रावलले १० बुँदे कार्यन्वयन सहजीकरण गर्न बनाइएको कार्यदलबाट राजीनमा दिने घोषणा गरेका हुन् । एमालेमा १० बुँदे कार्यन्वयन नभएको भन्दै रावलले असन्तुष्टी जनाउँदै  यसबारे आफूले बैठकमा लिखित फरक मत पनि राखेको बताएका छन् ।

१० बुँदे कार्यान्वयन गर्ने सहमतिपछि एमालेमै बसेका नेताहरू समेत सहभागी यसअघिको स्थायी कमिटी बैठकले कार्यदल गठन गरेको थियो । रावलले आगामी योजनाबारे छलफल गरिने प्रतिक्रिया जनाएका छन् ।