निर्वाचन आयोगको त्यो सन्देश, जसले महाधिवेशन २४–२६ मंसीरमा गराउन बाध्य भए देउवा

काठमाडौँ– प्रधानमन्त्री एवं नेपाली कांग्रेसका सभापति शेरबहादुर देउवा पार्टीको महाधिवेशन २४ देखि २६ मंसीरमा गराउन बाध्य भएका छन् । फागुन २१ बाट रिक्त हुने राष्ट्रिय सभाका सदस्यहरूको निर्वाचन माघको अन्तिमसम्म गराउने र निर्वाचनको ४५ दिन अघि दल दर्ता गराउनुपर्ने व्यवस्था छ । 

संविधान अनुसार ५ वर्षभित्र दलको महाधिवेशन सम्पन्न गर्नुपर्नेमा सत्तारुढ नेपाली कांग्रेसको महाधिवेशन अझै सम्पन्न हुन सकेको छैन । राष्ट्रिय सभा निर्वाचनको ४५ दिन अघि निर्वाचन आयोगमा दल दर्ता गर्नुपर्ने भएकाले देउवा दबाबमा परेका हुन् । हालै प्रधानमन्त्री देउवासँगको भेटमा निर्वाचन आयोगले प्रधानमन्त्रीलाई निर्वाचनको ४५ दिन अघि नै दलको वैधानिकता कायम गर्न सुझाएको थियो । 

मंसीरभित्र निर्वाचन नगराउँदा राष्ट्रिय सभा निर्वाचनमा नेपाली कांग्रेसले वैधानिकता गुमाई उम्मेद्वार उठाउन नसक्ने निर्वाचन आयोगको उक्त सन्देशका कारण देउवा मंसीरको २४–२६ मा महाधिवेशन गराउन बाध्य भएको बताइएको छ ।