ललितपुर महानगरले ज्येष्‍ठ नागरिकलाई निमोनियाविरुद्धको खोप लगाउने

प्रतिकात्मक तस्बिर

काठमाडौँ- ललितपुर महानगरपालिकाले ज्येष्‍ठ नागरिकलाई निमोनियाविरुद्धको खोप लगाउने भएको छ । पहिलो चरण अन्तर्गतको कात्तिक १४ गतेदेखि १७ गतेसम्म ७४ वर्षमाथिकालाई उक्त खोप लगाउने भएको हो ।

महानगरको सबै वडामा निमोनियाविरुद्धको उक्त पिसीभी-१३ खोप लगाउने भएको हो । परिचय खुल्ने प्रमाणपत्रसहित खोप केन्द्रमा जानुपर्ने महानगरले जनाएको छ । त्यसैगरी दोस्रो चरणको खोप ७० देखि ७३ वर्षसम्मका लागि चाँडै लगाइने प्रशासन महाशाखाका प्रमुख सागर थापाले जानकारी दिए ।

उनकाअनुसार वडामा ११ बजेदेखि ४ बजेसम्म खोप कार्यक्रम सञ्‍चालन हुने भएको छ ।