उपत्यकामा थपिए २२८ संक्रमित

फाइल तस्बिर

काठमाडौँ- उपत्यकामा २२८ कोभिड संक्रमित थपिएका छन् । स्वास्थ्य तथा जनसंख्या मन्त्रालयका अनुसार शुक्रबार काठमाडौँमा १७३, ललितपुरमा ३१ र भक्तपुरमा २४ जना संक्रमित थपिएका हुन् ।

यो समाचार तयार पार्दासम्म काठमाडौँ उपत्यकामा सक्रिय संक्रमित २ हजार ३४२ जना छन् । काठमाडौँमा १२२६, ललितपुरमा ५३३ र भक्तपुरमा ५८३  जना छन् ।

काठमाडौँमा सक्रिय संक्रमित १२२६, संक्रमणमुक्त २ लाख ४६ हजार १८०, मृत्यु २१९० र कुल संक्रमित २ लाख ४९ हजार ५९६ संक्रमित देखिएको छ । भक्तपुरमा सक्रिय संक्रमित ५३३ , संक्रमणमुक्त २८ हजार ७७२, मृत्यु ४३४ र कुल २९ हजार ७३९ जनामा संक्रमण देखिएको छ ।

त्यसैगरी ललितपुरमा सक्रिय संक्रमित ५८३, संक्रमणमुक्त ४८ हजार १३८, मृत्यु ६८४ र कुल संक्रमित ४९ हजार ४०५ जनामा संक्रमण देखिएको छ ।