ओलीले बोलाएको बैठकमा भट्ट गए थापा गएनन्

तस्बिर : प्रधानमन्त्रीको सचिवालय

काठमाडौं : प्रधानमन्त्री तथा नेकपा अध्यक्ष केपी शर्मा ओलीले सांसद्‍हरुसँग गरेको छलफलमा गृहमन्त्री रामबहादुर थापा भने अनुपस्थित भएका छन् । सोमबार बिहान प्रधानमन्त्री निवास बालुवाटार भएको छलफलमा थापा नगएका हुन् ।

ओलीले प्रतिनिधिसभा विघटन गरेपछि कार्यकारी पुष्पकमल दाहाल र माधवकुमार नेपाल समूहका मन्त्रीहरुले राजीनामा दिएका थिए । तर थापाले भने दिएनन् । त्यसपछि थापा ओली निकट रहेको अड्‍कलबाजी सुरु भएको थियो । पूर्व माओवादीतर्फका लेखराज भट्ट र छक्कबहादुर लामा बैठकमा सहभागी छन् । त्यसोत पूर्वमाओवादीका हरिबोल गजुरेल पनि आफु दुवै पक्षको बैठकमा सहभागी नहुने बताउँदै आएका छन् । ओलीले आज बिहान आफु निकट केन्द्रीयहरुलाई बोलाएर छलफल गरेका थिए ।