काठमाडौंमा राति ९ बजेसम्म मात्र देउसी भैलो खेल्न पाइने

काठमाडौँ -  काठमाडौं जिल्लामा राति ९ बजेसम्म मात्र देउसी भैलो खेल्न पाइने भएको छ । जिल्ला प्रशासन कार्यालय काठमाडौंले मंगलबार विज्ञप्ति जारी गर्दै कोभिड–१९ संक्रमण फैलन नदिन स्वास्थ्य मापदण्ड पालना गर्दै देउसी खेल्नका लागि समयसीमा तोकेको हो ।

तिहारका बेला पटका, आतसबाजीजस्ता विस्फोटक एवम् प्रज्ज्वलनशील पदार्थ उत्पादन, ओसार पोसार, विक्री वितरण तथा प्रयोग नगर्नसमेत प्रशासनले आह्वान गरेको छ । कोभिड–१९ को जोखिम कायमै रहेकाले स्वास्थ्य मापदण्ड पालना गर्दै मादक पदार्थ सेवन नगरी सभ्य र शान्तिपूर्ण तरिकाले देउसी भैलो खेल्न प्रशासनले आग्रह गरेको छ ।