देशभर थपिए ४४७ संक्रमित

फाइल तस्बिर

काठमाडौँ- देशभर ४४७ जना नयाँ कोभिड-१९ संक्रमित थपिएका छन् । बुधबार स्वास्थ्य तथा जनसंख्या मन्त्रालयकाअनुसार ९ हजार ९१३ जनाको कोभिड परीक्षण गरिएको थियो ।

पीसीआर परीक्षणबाट ३९५ र एन्टीजेन्ट विधिबाट ५२ जनामा कोभिड पुष्‍टि भएको थियो । २४ घण्टामा ४३९ संक्रमणमुक्त भएका छन् । हालसम्म ७ लाख ९३ हजार २७१ जना संक्रमणमुक्त भइसकेका छन् ।

७ जनाको मृत्यु र हालसम्म देशभर ११ हजार ४३४ जनाको कोभिड संक्रमणका कारण मृत्यु भइसकेको छ । देशभर सक्रिय संक्रमित ९ हजार १२३ जना छन् ।

आईसीयूमा २२३ र भेन्टीलेटरमा ५९ उपचाररत छन् । होम आईसोलेशनमा ८ हजार ४३६, संस्थागत आईसोलेशनमा ६८७ र क्वारेन्टाइनमा १२१ जना छन् ।