देशभर २७२ जना गम्भीर संक्रमित उपचाररत

फाइल तस्बिर

काठमाडौँ- देशभर कोभिड-१९ का गम्भीर संक्रमित २७२ जना उपचाररत छन् । बिहीबार स्वास्थ्य तथा जनसंख्या मन्त्रालयकाअनुसार आईसीयूमा २१५ र भेन्टीलेटर ५७ जना उपचाररत छन् ।

त्यसेगरी, देशभार ३५६ जना कोभिड-१९ संक्रमित थपिएका छन् ।  ६ हजार ३८४ जनाको कोभिड परीक्षण गरिएको थियो । पीसीआर परीक्षणबाट २८७ र एन्टीजेन्ट विधिबाट ६९ जनामा कोभिड पुष्‍टि भएको थियो ।

२४ घण्टामा ५१८ संक्रमणमुक्त भएका छन् । हालसम्म ७ लाख ९३ हजार ७८९ जना संक्रमणमुक्त भइसकेका छन् । २ जनाको मृत्यु र हालसम्म देशभर ११ हजार ४३६ जनाको कोभिड संक्रमणका कारण मृत्यु भइसकेको छ । देशभर सक्रिय संक्रमित ८ हजार ८९० जना छन् । होम आईसोलेशनमा ८ हजार २३३, संस्थागत आईसोलेशनमा ६५७ र क्वारेन्टाइनमा ११८ जना छन् ।