प्रदेश सभा २ को चौथो अधिवेशन मंगलवारदेखि अन्त्य हुने

जनकपुरधाम : प्रदेश २ प्रदेश सभाको चौथो अधिवेशन मंगलवारदेखि अन्त्य हुने भएको छ । प्रदेश सभा सचिवालयले सोमवार सूचना जारी कात्तिक २ गतेको मन्त्रिपरिषदको भएको निर्णय अनुसार मंगलवार राति १२ बजेदेखि चौथो अधिवेशन अन्त्य हुने जनाएको छ ।

मन्त्रिपरिषदको निर्णय बमोजिम चौथो अधिवेशन अन्त्य गर्न सिफारिस भए अनुसार प्रदेश प्रमुख तिलक परिवारबाट नेपालको संविधान धारा १८३ को उपधारा २ बमोजिम अधिवेशन मंगलवार राति १२ बजेदेखि अन्त्य हुने घोषणा भएको सूचनामा उल्लेख छ ।

पाँचौ अधिवेशन प्रदेश प्रमुखबाट निर्देशन आए बमोजिम हुने प्रदेश सभा सचिवालयले सूचनामा उल्लेख गरेको छ । २०७७ जेठ २१ गतेदेखि चौथो अधिवेशन शुरु भएको थियो । चौथो शुरु भएकै दिन आर्थिक विनियोजन विधेयक छलफलका लागि सभामा प्रस्तुत गरिएको थियो ।