बागमतीका मुख्यमन्त्री पाण्डेले पाए विश्वासको मत

हेटौंडा - बागमती प्रदेशका मुख्यमन्त्री राजेन्द्र पाण्डेले प्रदेश सभाबाट विश्वासको मत पाएका छन् । पाण्डेले प्रदेश सभामा पेस गरेको विश्वासको मत लिने प्रस्ताव बहुमतले पारित भएको हो । प्रदेश सभामा कुल उपस्थित १ सय ४ जना सांसदमध्ये ५९ जनाले विश्वासको मतको पक्षमा मतदा गरेका छन् । यस्तै ४३ जनाले विश्वासको मतको विपक्षमा मतदान गरेका छन् । प्रदेश सभाका २ जना सांसदले मत दिन्नँ (तटस्थ)मा मतदान गरेका छन् ।

नेपाली कांग्रेस र नेकपा माओवादी केन्द्रको समर्थनमा नेकपा एकीकृत समाजवादीका उपाध्यक्ष तथा बागमती प्रदेश सभा संसदीय दलका नेता पाण्डे कात्तिक ११ गते प्रदेशको मुख्यमन्त्रीमा नियुक्त भएका थिए । प्रदेश सभाको आगामी बैठक अर्को सूचना नभएसम्मका लागि स्थगित भएको छ ।