गृहमन्त्री थापासँग भेटेपछि दाहालको बिफ्रिङ : अन्तिम अवस्थामा साथ दिने आशा छ

काठमाडौं : नेकपाका कार्यकारी अध्यक्ष पुष्पकमल दाहालले सचिवालय सदस्य तथा गृहमन्त्री रामबहादुर थापासँग भेटघाट गरेका छन् । मंगलबार बिहान थापाको सरकारी निवास पुल्‍चोकमा पुगेर दाहालले छलफल गरेका हुन् ।

'यसअघि जे भए पनि यो अन्तिम अवस्थामा तपाइँको साथ दिनु हुनेछ भन्‍ने अपेक्षा छ' दाहालले भनेका थिए । त्यसको जवाफमा थापाले आफ्‍ना केही असहमति राखेका थिए । थापासँग छलफल सकिएपछि दाहालले खुमलटार आफु निकट नेताहरुसँग छलफल गरेका छन् । छलफल सहभागी एक नेताले इकागजलाई दिएको जानकारी अनुसार अहिले अन्तिम अवस्था भएकाले थापाले साथ दिन सक्‍ने बताएका छन् ।

प्रधानमन्त्री तथा नेकपाका अध्यक्ष केपी शर्मा ओलीले प्रतिनिधिसभा विघटन गरेपछि दाहाल र माधवकुमार नेपाल समूहका मन्त्रीहरुले राजीनामा दिए पनि थापाले भने दिएका थिएनन् । त्यसपछि थापा ओलीसँग नजिकएको अड्‍कलबाजी गरियो । तर सोमबार बिहान प्रधानमन्त्री निवास बालुवाटार भएको छलफलमा थापा अनुपस्थित भएका थिए ।

र, यो पनि
- ओली समूहको भेलामा नगएका गृहमन्त्री थापालाई दाहालले भेटे